صبري ملني [Original]
Al Sheikh Hamdan Bin Mohammed Bin Rashid Al Maktoum
لمني في محجر عيونك حبيبي وخلني
خلني اشوف نفسي في عيونك واطمئن
دامك تنسى الهم بالرمش الضليل تفلني
لعنبوا ذا الرمش كيف اني من اسبابه اجن
حبك اللي تل قلبي من بعد ما تلني
صدق أنا ميت في حبك كانها عيونك كفن
اجمع اللي باقي مني شتات ودلني
شوفني ذاك الغريب اللي يدور عن وطن
صدك اللي هد حيلي والجفا لي علني
ليه قلبين المحبه بالمحبه ما التقن
قلت ابصبر والصبر من زود صبري ملني
وقلت ابنسى واثر طيفك صار لعقلي سجن
ضاعت دروب المحبه والحزن ما ضلني
ياحسافه ذي الليالي ذي الليالي ما انصفن
ال تهل دموع من عينك اخاف تهلني
خايف اطلع من عيونك المن في يوم بكن