Hayah Tabiaya - حياة طبيعية

[المقدمة]
فى حاجات كتير بضايقنا وبنبقى كارهنها
بس الحاجات دي بالنسبة لناس تانيين
هي قمة السعادة

[المقطع الأول]
نفسي يقولولي إنتي إتأخرتي ليه النهاردة
نفسي أغلط وأتعاقب حتى بحتة علقة جامدة
كنتي فين إنتي إتأخرتي ليه النهاردة
نفسي أغلط وأتعاقب حتى بحتة علقة جامدة
نفسي أصحى الصبح على زعيق يلا عشان المدرسة
أو حتى خناقة عشان مجموعي ما جبليش هندسة
عايزين منك إيه غير إنك تبقي كويسة
والجمل البايخة دية (ياه)
معرفش إزاي طول السنين دي مفكرة
إن أنا عايشة ومش مضررة
ولو يرجع بيّا العمر تاني لورا
هختار حياة طبيعية

[اللازمة]
بابايا ومامتي منفصلين ومش راجعين
لا أنا ولا هما مرتاحين
كلنا مأذيين

[المقطع الثاني]
أيوة أدفع نص عمري على قاعدة غدا
في خروجة خارجاها وأنا متنكدة
أنا عارفة الناس بيبان لها كل ده
إنه حاجات عادية
في حاجات كتير بنشوفها مع الزمن
إنها ما بتتقدرش بتمن
إسألوا كده بني آدم إتسجن
عن معنى حياة طبيعية

[اللازمة]
بابايا ومامتي منفصلين ومش راجعين
لا أنا ولا هما مرتاحين
كلنا مأذيين

[الخاتمة]
كلنا مأذيين
كلنا مأذيين
كلنا مأذيين
كلنا مأذيين