Shorom Borom - شرم برم
Ahmed Fouad Negm - أحمد فؤاد نجم
شرم برم .. حالي غلبان
شرم برم .. حالي تعبان
دنيا غرورة و كذابة .. لكن جميلة و جذابة
مجاريح و نعشقها صبابة
ادينا و ادي حال الانسان
شرم برم .. حالي غلبان
شرم برم .. حالي تعبان
مجنونة خالص ترللي .. بكلمة تعزل و تولي
و في لحظة تاخد ما تخلي
امان امان يالاللي امان
شرم برم .. حالي غلبان
شرم برم .. حالي تعبان
دلوعة ماشية بتتغندر .. بين الامام و الشهبندر
و الغاوي قاعد يستنظر .. حب العزيز يطرح رمان
شرم برم .. حالي غلبان
شرم برم .. حالي تعبان
يا حلم يا جناح المساكين .. يا وعد من ورد البساتين
ملايين ربيع رايحين جايين .. و الكون حزين من غير الوان
شرم برم .. حالي غلبان
شرم برم .. حالي تعبان