Lail - ليل
[المقطع]
فجر الجمعة، درجة حرارة سبعة
ليلة من فبراير في تاريخها يوم عشرة
جوالي يرن كثير وأنا في اليوتيوب بكم صفحة
ما أرد، رقم غريب يدق الساعة خمسة بكثرة
ولما رضخ قلبي رفعت أنا السماعة
الصوت اللي يكلمني مو قادر يجمع أنفاسه
الآن إطلع قابلني، أنا في الشارع هزت حاسه
بيقول أخوك توفى، قرب مني ونزل راسه
وتوقف فيني الوقت، كل شي مكانه ثابت
أشوف الناس تتكلم بس مو سامع زي عالصامت
كيف أبنقل خبر يشبه هذا أنا مو عارف
وأظن من ذاك اليوم قلبي انكسر اصبح تالف
أسوء لحظة في حياتي كانت ذيك الليلة
أهدى صدمة بعد أبوي بشهر رحل غيره
أجمع أيش وأترك أيش، وش بقى من عيلة؟
بشوف السما وبسأل ليش عجزت ألاقي الخيرة
واقف في المستشفى أمامي الضابط بيحاكيني
راح المكتب برا عند طوارئ بيناديني
يوم فك الدفتر شفت بالأحمر إسمه إنشل يميني
بيغطي الأسطر يمكن يقدر يخفي ما بيأذيني
لكن بعد إيش؟ بعد ما شفت بطاقته
يملاها الدم، ماني مصدق عيني شافته
ما راح يرجع هاذي المرة وما هي عادته
ثالث حادث وأعرف قالوا الثالثة ثابتة
يا ساند ظهري فوق أراضي أسفلها القبور
وقف بي الزمن اللي ثبت يوم قالوا بيدور
يا سائر عبري يوم تركتك من يديني تروح
هل شفت النفق اللي قالوا إن آخره النور
يوم عادي ما كان مختلف عن قبله بشي
أصوات تنادي، عيشة مغترب بين أهله حي
بيت مو مثالي بس حياتي كانت يعني سهلة
همي الأغاني ووقتي بيمشي هادي على مهلة
ليلة شتاء وأذكر فبراير علي كان قاسي
في آخر ليلة جيت تدور علي ماني ناسي
بتطق شباكي بعد بابي أحط سماعة براسي
كل يوم تواسي ويوم إحتجتني ما لقيتني أواسي
بيدق جوالي، برد عليك فاقد أعصابي
إتركني في حالي، تمالك نفسك يا أخي شوية يا أخي
أذكر ثوبك، حتى جدول نومك، لو هو ماضي
هل كنت أبمنع موتك لو كان جدولي شوي فاضي؟
ويقولوا أذكر الله ما بيجوز أجمع أنفاسك
بحط في نفسي اللوم وباكل نفسي بس متماسك
ولو نفسي خلصت وجوع الإثم ماسك
بسحب زناد بسرعة وأصحى أعلمك ما فاتك
لين ذا اليوم وأنت تزورني في وسط أحلامي
ما فتحت الباب، ما كنت أبيك تشوفني بين إدماني
سوادي اللي إنتشر غطى الصفحة مع الواني
عشان نعيش بالأسم، تسأل عني زفت أخباري
ما بوعدك نتلاقى؟ ما أدري إيش ينتظرنا
آمنّا باللي خلقنا وكتب عشنا ثم متنا
لكنّا دام إخترنا ننهي تأنيب امتلكنا
راح نصحى لكن يمكن إنّا ما نصحى بالجنة
[الخاتمة]
خذني معاك بالله
إرجع خذني الآن
أخوك من بعدك تاه
إرجع خذني الآن
(ودي لو تشوف ذا الناس كيف تشوفني)
(خذني معاك بالله)
(ودي لو تشوف ذا الناس)