Farhana Maak - فرحانة معاك

[اللازمة]
فَرحَانَة معَاك فَرحِة حَدّ نِسِي هُمومُه
مِن بَعد مَا عَاش خَايِف قَلقَان مِن يومُه
فَرحَانَة معَاك فَرحِة واحِد فِي الغربَة لَقَالُه صحاب
فَرحِة لِيل مِتونِّس بِنجُومُه

[المقطع الأول]
فَرحَانة أنَا فَرحِة نَاس اِتفَارقِت
عَن بَعض وِرجعِت تَاني اِتلاقِت
أَو فَرحِة نَاس مِ الدُّنيا اِتضَايقِت
وِالدُّنيا فِي عِينهُم بَعدِين راقِت
زَيّ العَيِّلة لَمَّا أبقىَ معَاك
تِلاقِيها بِتِجري هِنا وِهنَاك
آه، تِلاقِيها مِن كُتر الفَرحة اِتشَاقِت

[اللازمة]
فَرحَانَة عَشَان بِوجودَك أنَا مَوجودَة
وِبَقَالِي زَمَان وَاقفَة مَكَاني ومَسنودَة
مَا بَقاش فِي كَمَان أيَّام مَفروضَة عَليَّا عَشَان تِتعَاش
وِمَافِيش أحلام جَنبَك مَرفوضَة
فَرحَانَة معَاك فَرحِة حَدّ نِسِي هُمومُه
مِن بَعد مَا عَاش خَايِف قَلقَان مِن يومُه
فَرحَانَة معَاك فَرحِة واحِد فِي الغربَة لَقَالُه صحاب
فَرحِة لِيل مِتونِّس بِنجُومُه

[المقطع الثاني]
مِن لَهفِة قَلبي عَلِيك بَتلَفِّت
حَوالَيَّا وِبِيَّا الدنيا دِي لَفِّت
وِبَحِسّ بِفَرحة كَأِنِّي عَروسَة
وَقت مَا لِبسِت دِبلِتها اِتدَفِّت
فَرحانة أنَا فَرحِة بَني آدمِين
كَانِت مَوجوعة بَقَالها سنِين
آه، وِاتعَافِت بَعد وَجَعهَا وِخَفِّت

[اللازمة]
فَرحَانَة معَاك فَرحِة حَدّ نِسِي هُمومُه
مِن بَعد مَا عَاش خَايِف قَلقَان مِن يومُه
فَرحَانَة معَاك فَرحِة واحِد فِي الغربَة لَقَالُه صحاب
فَرحِة لِيل مِتونِّس بِنجُومُه
(فَرحَانَة معَاك)
(مِن بَعد مَا عَاش)
فَرحَانَة معَاك فَرحِة واحِد فِي الغربَة لَقَالُه صحاب
فَرحِة لِيل مِتونِّس بِنجُومُه

[الخاتمة]
(فَرحَانَة معَاك)