El Okd - العقد

[المقطع الأول]
بالعُقد ده عقدتني
والسلسلة دي حبل وإنت خانقني بيه
بص الخاتم فيه إيه
إسمك مكتوب عليه
ده لوحده ذكرى ليوم ما كانليش حظ فيه
خد اللي ليك ونفضها
وعد اللي بيقول كلمة يطلع قدها
مش بإنت جايبلي إيه
لا بإنت إديتلي إيه
وأي واحدة إسألها، ده أكيد ردها

[اللازمة]
الحب دلع وونس وإني ألاقيك
مش بالهدايا وكفاية كنت أبقى ليك
طلباتي كانت بسيطة، عملت إيه؟
أنا الحقيقة بصراحة خسارة فيك
الحب دلع وونس وإني ألاقيك
مش بالهدايا وكفاية كنت أبقى ليك
طلباتي كانت بسيطة، عملت إيه؟
أنا الحقيقة بصراحة خسارة فيك

[فاصل]
(خسارة فيك)

[المقطع الثاني]
وصلتني لمرحلة
ما بقتش قادرة خلاص ومش متحملة
بستحلي عذابي فيك
ولا ذرة رحمة ليك
وده شيء طبيعي لواحدة عاشت مهملة
لو جبتلي شنط دهب
ما تكفيش عمري اللي إتسرق، قصدي إتنهب
اللي إحنا وصلنا ليه
إنت إتسببت فيه
والقلب التلج البارد بيطفي اللهب

[اللازمة]
الحب دلع وونس وإني ألاقيك
مش بالهدايا وكفاية كنت أبقى ليك
طلباتي كانت بسيطة، عملت إيه؟
أنا الحقيقة بصراحة خسارة فيك
الحب دلع وونس وإني ألاقيك
مش بالهدايا وكفاية كنت أبقى ليك
طلباتي كانت بسيطة، عملت إيه؟
أنا الحقيقة بصراحة خسارة فيك

[الخاتمة]
(خسارة فيك)