قالو زمان [Original]
Sayed Hegab
"قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره
إيه معنى دنيتنا وغاية حياتنا إذا بعنا فطرتنا البريئة الرقيقة
إزاي نبص لروحنا جوا مرايتنا إذا احنا عشنا هربانين من الحقيقة
المال تجيبه الريح وتاخذه الهوايل أما البنون يوم الحساب بيفوتونا
مال إيه لو كان مال قارون كله زايل ولا غير عمايل الخير ياهو ينجدونا
قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره
ومين نكون إن بعنا يومنا وماضينا وليه نعيش إذا كانش بكرة يراضينا
وازاي ننام من غير ما نحلم ببكرة وبكرة ده منين ييجي إلا بإيدينا
قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره
"