كل حاجة بتعدي

مهما كان ليلك طويل
كل حاجة بتعدي مهما كان حملك ثقيل
كل حاجة بتعدي لو عينك غفلت
كل حاجة بتعدي لو الدنيا قفلت
كل حاجة بتعدي لو حبيبك سابك
والزمن ساقك وإتلخبطت أسبابك
لو آمالك إتعطلت وأحلامك فرملت
وجواك شايل هتعدي

مهما إن كان قلبك ندمان
كل حاجة بتعدي مهما كنت في غلطك سارح
كل حاجة بتعدي سيبك من الناس ربنا بيسامح
كل حاجة بتعدي كلم نفسك وعليها إتصالح
كل حاجة بتعدي الليل طويل مليان أحلام
تاخذك وتفضل فيها سارح والنهار أجمل كمان
شمسه تنور حلم إمبارح
صحيح الأيام صعبة كثير بتعلم جوانا وتخبي
بس لازم نعيش قبل ما الدنيا تعدي

كل الناس خايفة من بكرة
ويّجي بكرة ولسه خايفين
بكرة مش يوم بكرة ده فكرة
هما جواها محبوسين
أوقاتك هي حكاياتك وحكاياتك هي حياتك ما تسبش يوم
ما تسبش سطر في كتابك
وكفاية كل اللي فاتك وإنسى الهموم
مهما كان ليلك طويل كل حاجة بتعدي