اعلان ڤودافون رمضان ٢٠٢٢ - اللي بينّا حياة - عمرو دياب

اللي بينّا لحظة حلوة عيشتهالي .. كلمة
بعتّهالي في وقتها .. ما بينّا مية مكالمة
اتصالحنا واتخاصمنا فيها ألف مرّة
بس برضو بابتسامة تِحلى ليلة مُرّة

اللي بينّا سندة .. وقفة .. قعدة .. صُحبة .. رحلة .. سحلة .. بَعتة
ضحكة راجّة القلب رجّة بعد نكتة جامدة
اللي بينّا أحلى وقت وأحلى عُمر عدّى

اللي بينّا غنوة حلوة بتفكرني بيك
فيديو كل ما اشوفه بضحك من قلبي عليك
المُذاكرة .. المعافرة .. الحنين لناس مسافرة .. العزومة أحلى سُفرة صورة علينا شاهدة
ده اللي بينّا ليلة .. عيلة .. لَمّة
لمّا قولنا بأعلى صوتنا المصريين أهُمّا
إحنا وقت الشغل جَد وساعة اللعب هَدّة
واللي بينّا أحلى وقت وأحلى عُمر عَدّى

والله والله .. اللي بينّا ما يتقدّر
والله والله .. عُمري ما هنسى ومش هقدر
ده اللي بينّا حياة وأكتر
إحنا اللي بينّا حياة وأكتر

والله والله والله .. اللي بينّا ما يتقدّر
والله والله .. عُمري ما هنسى ومش هقدر
ده اللي بينّا حياة وأكتر
إحنا اللي بينّا حياة وأكتر