متوحش الماضي

متوحش منين جيت ونعرف وين ماشي والدنيا ما تدوم
متوحش أمي تدعي لي بالخير في صباحي كي نقوم
متوحش ضحكة خارجة من القلب ومتوحش زروسي
متوحش كف من عند المعلم ما قريتش دروسي

متوحش حليبي وحلوة في جيبي وبوسة على جبيني
متوحش المرضة ونرمي في الدهشة وأمي اللي تداويني
متوحش بابا اللي يجيب القفة خضرة ولحم
والقلوب البيضاء اللي اليوم ولت فحم

اليوم صاحب خوان والخو مدوان وفاتورة وديوني
اليومة ما لقيت كان نوامرهم في تاليفوني
سهرية سكرة كاس وراء كاس والفراق صباح
مروح الفجر وصوت الآذان حي على الفلاح

ضايع بين الشيب والعُمر مشى والضحكة وين مشات
فاتورة ضوء وفاتورة ماء وشنية العشاء
متوحش خرجة بين بابا وأمي وشاديني من إيدي
متوحش طيحة وأمي كتقولي اللطف على وليدي

ومتوحش الماضي، والعمر جرى بينا
ومتوحش الماضي، واليوم وين مشينا
ومتوحش الماضي، حفيانين رجلينا
ومتوحش الماضي، وشبي هكا ولينا

لا، لا، لا، لا، لا، لا
لا، لا، لا، لا، لا، لا
لا، لا، لا، لا، لا، لا
لا، لا، لا، لا، لا، لا

متوحش أيام صغير وشيطان من غير ذنوب
فقر وميزيريا ومستورين وفرحانة القلوب
متوحش خويا نتعارك أنا وياه على طرف دجاج
وأمي اللي تقوم وتاخذ لي حقي وتقول خوكم مكلاش

متوحش صغري كيف لعبنا سارق وبوليس
وأنا وبنت الجارة لعبنا عروسة وعريس
واليوم كبرنا والبوليس حط السارق في الأحباس
واليوم بنت الجارة ولات تتشاوف فضيحة بين الناس

وتمشي الأيام وكبرت الهموم والشيطان كبر
اللي فينا استغنى واللي فينا حرق واللي فينا هتر
عركة ع الورثة والأخوات اليوم ولاو عدو
وماتت الكبار وكبرت الصغار والخو ناسي خوه

والدنيا فلو وكاسي مليان والبيرة في البار
وناسي فاتورة الضوء والماء اللي تحت باب الدار
متوحش خرجة بين بابا وأمي وشاديني من إيدي
متوحش طيحة وأمي كتقولي اللطف على وليدي

ومتوحش الماضي، والعمر جرى بينا
ومتوحش الماضي، واليوم وين مشينا
ومتوحش الماضي، حفيانين رجلينا
ومتوحش الماضي، وشبي هكا ولينا

لا، لا، لا، لا، لا، لا
لا، لا، لا، لا، لا، لا
لا، لا، لا، لا، لا، لا
لا، لا، لا، لا، لا، لا