En argoll
Gorrak e tivoran
Eus an houlenn diroll
Gwiskadell pennfoll
Kreñvlec'h digenvez
Torgenn en argoll
Skultet er morlusenn
Speur an deñvalijenn
Ha dinaou sklêrijenn
Rouantelezh
Lordet gant ar gorventenn
Ar greunvaen soc'h
A stourm ouzh an feulster
Digor d'an tonnoù a lec'h all
Hag a vorc'hed an adsav
Rouantelezh
Lordet gant ar gorventenn
Tro kein an dremmwel mac'hus
Meurvor ramzel hirañ ma weler
Tarzhan-mor rust a safar
E stlepel dizehan an aezhenn
Hag ar c'herreg a hirvoud