Zwei zoote Minsche

Jeden Ovend vör dem Optrett
Drink hä ne Sekt un schmenk sich wiess
Lort en d'r Spejel - jünger weed mer nit
Un hä denk an ahle Zigge
Die allt lang verjesse sin
Mänchmol kütt et im vör
Hä künnt se noch ens sin

Jo, et wor nit immer einfach
Janz bestemmp nit immer leich
Veezich Johr op d'r Stross
Un noch immer fällt hä üvver Stein
Op singem Wäch

Em Sommer '45
Koot noh d'r brunge Naach, han se fitjemaat
Se troke widder loss
Dä kleine Wanderzirkus hatt hä jetz am Hals
Veezehn Mann, e paar Diere un ne ahle Bus
Vun Kölle bes noh Basel
All die Käffer do am Rhing
Do sin se römjetrocke:
Dat es sing Welt, he jehöt hä hin

Denn et jitt zwei Zoote Minsche:
Die Hungrije un die Satte
Die Satte, die sin stets zo Huus
Hungrije jonn erus

Et jitt zwei Zoote Minsche:
Die Hungrije un die Satte
Die Satte, die sin stets zo Huus
Un die Hungrije - die trick et immer widder rus

Weetschaffswunder, fette Zigge
Et es wirklich vill passeet
Doch hück ovend zwanzich Kaate bloss
Manchmol fröch hä sich:
Jung, wie soll et wiggerjon?
Hä künnt hüle - un dä Clown hült loss

Denn die Lück, die nit mih kumme
Die sitze jetz zo Huus
Die penne för d'r Kess eröm
Un ich froge mich:
Wann kütt dä Clown un holt se do erus?

Denn et jitt zwei Zoote Minsche:
Die Hungrije un die Satte
Die Satte, die sin stets zo Huus
Hungrije jonn erus

Et jitt zwei Zoote Minsche:
Die Hungrije un die Satte
Die Satte, die sin stets zo Huus

Vun Kölle bes noh Basel
All die Käffer do am Rhing
Do sin se römjetrocke:
He jehöt hä hin, he jehöt hä hin

Ja, et jitt zwei Zoote Minsche:
Die Hungrije un die Satte
Die Satte, die sin stets zo Huus
Hungrije jonn erus

Et jitt zwei Zoote Minsche:
Die Hungrije un die Satte
Die Satte, die sin stets zo Huus

Zwei Zoote Minsche
Zwei Zoote Minsche
Zwei Zoote Minsche

Zwei Zoote Minsche
Zwei Zoote Minsche
Zwei Zoote Minsche
Ich un du