Lamentación Segunda del Viernes Santo
Anonymous
Aleph
Quomodo obscuratum est aurum
mutatus et color optimus!
Dispersi sunt lapides sanctuarii
in capite omnium platearum!
Beth
Filii Sion inclyti
et amicti auro primo
quomodo reputati sunt in vasa testea
opus manuum figuli!
Ghimel
Sed et lamiae nudaverunt
mammam
lactaverunt catulos suos:
filia populi mei crudelis
quasi struthio in deserto.
Dalech
Adhaesit lingua lactentis
ad palatum eius in siti;
parvuli petierunt panem
et non erat qui frangeret eis.
He
Qui vescebantur voluptuose
interierunt in viis;
qui nutriebantur in croceis
amplexati sunt stercora.
Vau
Et maior effecta est iniquitas
filiae populi mei peccato
sodomorum,
quae subversa est in momento
et non ceperunt in ea manus.