Tammurriata nera

[Testo di "Tammurriata nera"]

[Strofa 1]
Io nun capisco, ê vvote, ca succede
Ma chello ca se vede
Nun se crede! Nun se crede!
È nato 'nu criaturo niro, niro
E 'a mamma 'o chiamma Giro!
Sissignore, 'o chiamma Giro!

[Ritornello 1]
Seh! Gira e vota, seh!
Seh! Vota e gira, seh!
Ca tu 'o chiamme Peppe o 'Ntuonno
Ca tu 'o chiamme Ciccio o Giro
Chillo, 'o ninno, è niro, niro
Niro, niro comm'a cchè!

[Strofa 2]
'O contano 'e ccummare chist'affare:
"Ma nun sò ccose rare
Se ne contano a migliare!
Ê vvote basta sulo 'na guardata
E 'a femmena è rimasta
Sott' â botta, 'mpressiunata"

[Ritornello 2]
Seh! 'Na guardata, seh!
Seh! 'Na 'mpressione, seh!
Va' truvanno mò chi è stato
C'ha cugliuto buono 'o tiro
Chillo, 'o ninno, è niro, niro
Niro, niro comm'a cchè!

[Strofa 3]
Ha ditto 'o parulano: "Embè, parlammo
Pеcché, si raggiunammo
Chistu fatto nce 'o spiegammo!
Addò pastine 'o ggrano, 'o ggrano crеsce
Riesce o nun riesce
Sempe è ggrano chello ch'esce"

[Ritornello 3]
Seh! Dillo â mamma, seh!
Seh! Dillo pure a mme!
Va' truvanno mò chi è stato
C'ha cugliuto buono 'o tiro
Chillo, 'o ninno, è niro, niro
Niro, niro comm'a cchè!

[Outro]
Va' truvanno mò chi è stato
C'ha cugliuto buono 'o tiro
Chillo, 'o ninno, è niro, niro
Niro, niro comm'a cchè!