Te chiamme Angela

[Testo di "Te chiamme Angela"]

[Strofa 1]
'A vita è fatta 'e palpite e penziere
So' ppoche 'e ggioie ch'a vita ce po' dà
E tu mm'hê date a mme poch'ore 'e gioie
E ciente dispiacere, saje pecché?

[Ritornello 1]
Te chiamme Angela
Ma 'e ll'angele tu tiene sulo 'o nomme
'O gelo sta dint' 'a 'stu core tujo
E dint' 'a ll'anema sta scritto "falsità"!
Chi mme vo bbene
M'asciutta 'e ll'acreme cu 'e vase soje
Vase d' 'a vecchia mia, ca mm'è sincera
E po' me scordo tutt' 'o mmale ca me faje

[Strofa 2]
D'ammore nun se more e chest'è overo
E i' nun voglio mo murì pe' tte
Meglio ca te nne vaje, lassame sulo
Restammo buon'amice, si vuò tu

[Ritornello 2]
Me vuò fà perdere
Ma i' nun songo n'ommo ca se perde:
'A libbertà m'è cara, tanta cara
E nun 'a perdo pe' tutt' 'o mmale ca me faje
Mamma m'asciutta 'e llacreme
E vase soje pe' mme so' comme balzamo
E a gocce, a gocce scenne dint' 'o core
E po' me scordo tutt' 'o mmale ca m'hê fatto

[Outro]
Angela, Angela
Nun sî cchiù niente pe me!