Angel

Cume un angel fermu dopu 'l tempural
Cunt i al de fà sugaa
Prueret a disegnaa 'l to toch de mund
Cui culur che t'han prestaa
E sara i occ e scunt el specc
Dupera 'l sang de la tua nocc pusè razzenta
Dupera i piom che i t'han strepaa
Per fa un penel senza pagura e poo
Bagnel in del fiom e spuda l'foc
De quand el coor el te brusava
Ogni lacrima scunduda
La prepara una sua tinta
Per scapa di arcubalen
Ogni fiur dumanda al suu
De prestach el so culur
Fin che rueraa 'l tramunt
In equilibrio sòl too fil d'erba te dundet e te diset che bel
Dumaa 'l fioo che strepa la tenda el capiss che 'l mund l'è de fò
In equilibrio sòl too fil d'erba te dundet e te diset che bel
Dumaa 'l fioo che strepa la tenda el capiss che 'l mund l'è de fò
L'è de fò
Disaran che in mez al praa che già un sentee
Furmaa dai pass che l'han scùsciaa
Disaran che l'è la strada de seguii
Se voret mea vech pensee
Però 'l to pà l'è mea un sass
De met sol fund de na buteglia sigilada
Solta via i speen solta via i biss
E porta a cà anca la firma de l'urtiga
Quel che l'è giust o mea giust
L'è scrivu nel mazz di card
Fin che te giughet la partida
Chi g'ha pagura de tajas cui toch de vedru
Forsi l'ha mai bevuu un bicer de ven
In equilibrio sòl too fil d'erba te dundet e te diset che bel
Dumaa 'l fioo che strepa la tenda el capiss che 'l mund l'è de fò
In equilibrio tra i gigli e la melma te dundet e te diset va bè
Dumaa 'l fioo che spurca la scarpa el capiss che 'l mund l'è anca 'l sò
In equilibrio sòl too fil d'erba te dundet e te diset...