Vantanas
Davide Bernasconi
Veent de segunda risma
Svolza la föja ferma
Veent a cavàll de l'unda
Ogni pees lassa che'l funda
Sbroja tüta la matassa
Quajcoss ciàpa quajcoss làssa
Tira tira drizz el fiil
E pö làssa che'l se rillàssa
Ventu, veent cunt'el pàss balòss
Quell che vöri mea tirum via de dòss
Slàrga el fiaa e bùfa in giir i stell
Lassa el to' disegn in sö la mia pell
Tirum via la smàgia
Della mia pagüüra
E scancela el pass
De quaand che gira l'ura
Porta via i suspiir
E dàmm indree i suriis
Basa la muntagna
Cunt i cavej griis
Néta la mia fàcia
Néta la mia umbrìa
Fàmm una carèzza
Prèma de nà via