حياتي [Original]
Mana Saeed Alotaiba
حياتي يامغذي لي الحياه ... غرامي جن وتمرد جنوني
غناتي وصرت عن غيرك غناه ... تثير الشوق وتهيج شجوني
....
غريم الشوق تتحقق مناه ... احاسيسي لوجدانك خذوني
الى باح باح لانن في الفلاه ... ورد قلبي مع اللي يوردوني
تعنى وماالضمى نال العناه .... لجل عينات كل صعب (ن) يهوني
تأمر يالغلا وخذ لي تباه ... فدتك الروح والقلب وعيوني
....
تراني مابقى بحالي شفاه ... اخاف من الحواسد يشمتوني
أمني القلب وانته مبتغاه ... بعطف (ن) منك ياعونه وعوني
تذوق النفس لأنوار البهاه ... متى شافتك تتمشى بهوني
غرامك شدني لأبعد مداه ... وسكني على قمة سكوني
....
يغار الظبي وتغار المهاه ... وحور العين صاروا يحسدوني
بحبي لي لبس عمري هواه ... صبح في القلب وأمسى في جفوني