العشق والبلوى [Original]
Hamad Al Buoraidi
اذا حبك بلى روحي هلا بالعشق والبلوى
اجوع لشوفة عيونك ولا انت بقادر اشباعي
ما اقول إن العمر من دون وصلك صار ما يسوى ..
اقول ان الحياه بكبرها ما لأمها داعي !!
تذكرني الأماكن فيك واشتاقك ولا اقوى
كلامك مفرداتك اثرت فيني وفطباعي
تغانمني وخذني ضاميٍ للوصل ما يروى
تكلم يا بعد كل العرب واطرب لي اسماعي
ابيك واعشقك واشتاق واغار بشغف واهوى
محطات الغرام وكل لقيا هزة اضلاعي
عليه بالحرام اني بغيت آموت بس اشوى
حيت روحي على وصلك وبعدك زانت اوضاعي