يا قلبي

يا قلبي، ريح أعصابك كده طبع الزمن قاسي
ترى ما يسوى عتابك، صراحة وجعت لي راسي
تعبت أعلم جروحك، تغير سيرة الماضي
ترد وتعتزل نوحك، أنا من جد مو فاضي
يا قلبي، ريح أعصابك كده طبع الزمن قاسي

أنا ناقص ألم وأحزان دخيلك يكفي ما شفته
وغلاتك شوفني تعبان وليلي حتى ما نمته
أحسك للحزن مخلوق ولا ينفع معك أي شيء
يا قلبي إهدأ، إهدأ وروق عطني إحساس إنك حي
يا قلبي ريح أعصابك، كده طبع الزمن قاسي

وش اللي ناوي توصل له يا قلبي قل واتكلم
غريبة حالتك والله في عز الفرحة تتألم
إذا مر يوم ما تبكي تطيح الدنيا من عينيك
وإذا طاب الألم تشكي تضيق وتقلب سنينك
يا قلبي ريح أعصابك، كده طبع الزمن قاسي