Sah Raoui | صاح الراوي

Paroles de Fnaire "Lalla Aicha / Sah Raoui"

[اللازمة : محسن]
صاح الراوي الله
بلسانك ولساني الله
او دندن فوداني الله
باغي نشوف خويا هاني الله
او يد الحنة تلقاني الله
بلادي تضوي قودامي الله
و لا اله الا الله الله

[المقطع الأول : خليفة]
صاح الراوي بكلام الحق او قال كلمة، بيد الحنة فالتنمية بانت الهمة
كل دار لي عليه وانتايا اش درتي كلامي ليك يا الراجل قولي اش بنيتي
كل دار لي عليه وانتيا اش درتي كلامي ليك يا المرأة قولي ليا فين وصلتي
اش من مجهود درتي واش بيد الحنة نقشتي
واش ولادك جمعتي، وعلى المعقول كلشي وصيتي
هاك هاك سمع وسمع من عندي دبا، يد الحنة خدمة قبل ما تكون كتابة
نديرو اليد فاليد ونكونوا بنادم واحد، هدا خدم هدا اردم كلشي غا يتحد
كيف ما كان الحال الراوي صاح دبا، نوضوا كاملين نحيدوا ديك السحابة
هاي زيح زيح علي دوك الغبابر، كد وجد صبر خويا زيد تابـــــــر

[اللازمة : محسن]
صاح الراوي الله
بلسانك ولساني الله
او دندن فوداني الله
باغي نشوف خويا هاني الله
او يد الحنة تلقاني الله
بلادي تضوي قودامي الله
و لا اله الا الله الله

[المقطع الأول : أشرف]
رجل كنتي ولامرأة شمر على الكتاف
يد الحنة صغير ولا كبير كثروا الهتاف
گاع الطيور تبرا الحجرة تولي شجرة، نزرعوا الزرع والزريعة ونحيدوا الخديعة
نخدموا البلاد نميو لعباد هاحنا كاينين، قلل سكات وصيح بغوات افكار باينين
جفات البحيرة على بلادنا كثرات الغيرة
التنمية راه جات باش نميو لبلاد بلا حيرة
عليكم عولات الوقت تزيدو بها لگدام، باركا حلو عينكم فيقو من لمنام
نوضو كونو كد الكلمة نوسعو طريقنا، عالمنا زين الى صلحنا نعيشو لهنى
نوض خدم اصاحبي اش گاعد كتسنا
بان المعنا حلمنا دار الطريق
كلشي خدام وانتيا ناعس فتليق
نوض خدم اصاحبي واش ما بغي تعيق

[اللازمة : محسن]
صاح الراوي الله
بلسانك ولساني الله
او دندن فوداني الله
باغي نشوف خويا هاني الله
او يد الحنة تلقاني الله
بلادي تضوي قودامي الله
و لا اله الا الله الله

[جسر : محسن]
كلشي شاف فينا شوفة زينـــة
بشرونا او قالوا راكم سايريـــن
خرجتو دقة دقة من لغبينـــــــة
ناسكم سايرين او ماهم حايرين

[اللازمة : محسن]
صاح الراوي الله
بلسانك ولساني الله
او دندن فوداني الله
باغي نشوف خويا هاني الله
او يد الحنة تلقاني الله
بلادي تضوي قودامي الله
و لا اله الا الله الله