الهوى قسمة [Original]
الهوى قسمه
انـا مـن يـوم حـبــي لـــه تمنيــت العمــر عمـريــن
وانــا مــن يوم حـبي لــه اقاســم هالعمــر نصفيــن
عرفتــه والهــوى قسمـه وقلبــي قابــل ٍ مقســــوم
يفــز القــلب مـن اسـمــه وحبــه داخــلي مرســـوم
حياتــي فــيه مرتسمـــــه وغيــر حالــة المحـــروم
حياتــــي فـيــه مبتسمـــه وغيره ما احب لو يــــوم
وانا من يوم عشقي لــــه انا ما اشوف غيره نـاس
وانا وقــلبــي نغنــي لـــه حبيبــي شمعــة النــــاس
غمـــر دنيــاي من حـبــه وخذانـــي لعالــم ٍ ثانــــي
ومشيت العمـــر في قربه وملــك قلبـــي ووجــداني
ملكــت الكـون في جنبـــه وبطيــبــة قلــبه احيانـــي
واغار من الهوى يهــــبه احــبه سيــف خــلانـــــي
وانا من كثر عشقــــي له تنفــست الحيــاه اشــواق
واحــس قلبي ينــادي لـه ثواني ما يطيــق افـــراق
عيونــي ما تــرى غــيره واحســه غيـر كل النـاس
يفــوق الوصـف تعـبــيره بقلبــي شــوق ما ينـقاس