Fahrn’s Amal

Foahrn's amol, foahrn's amol
Mit der Straßenbahn ins Grüne –
Foahrn's amol, foahrn's amol
Mit der Straßenbahn hinaus!
Ja, die Vogerln werdn singen
Und im Rucksack werdn's was bringen
Und das werdn Sie dann verschlingen –
Und dann foahrn's halt zruck nach Haus!

Oder gehn's amol, gehn's amol
Einen Nachmittag ins Kino –
Gehn's amol, schaun's amol
Ob ma Sie zufriedenstellt!
Jeder Gangsta kommt ins Rutschn
Und die Liebespaare knutschn
Ihre Zuckerln derfn's lutschn –
Aber sonst is's schad ums Göld!

Liebn's amol, liebn's amol
So a zuckersiaßes Mädel –
Liebn's amol, liebn's amol
Und dann gebn's ihr halt an Kuss!
Erst erzähln's ihr lauter Lügen
Dann wird's wana und sich fügen
Und dann wird sie Sie betrügen –
Und damit ist wieder Schluss!

Gehn's amol, gehn's amol
Mit an Spezi in a Wirtshaus –
Gehn's amol, gehn's amol
Und besaufen si mit Gwolt!
Ja, der Kopf wird Ihne brummen
Und der Wein wird Sie verdummen
Und am Schluss wern's no verkummen
In der Trinkerheilanstolt!

Lebn's amol, lebn's amol
Wie des heut schon so modern is –
Lebn's amol, lebn's amol
Und verdienen's nur Ihr Brot!
Erst verprügelt Sie Ihr Lehrer
Dann die Kinder den Ernährer
Wann Sie alt wern, wird's no schwerer –
Und am Schluss holt Sie der Tod!
Aber noch is's net soweit –
Bis dahin haben's ja noch Zeit!

Erst foahrn's amol, foahrn's amol
Mit der Straßenbahn ins Grüne –
Foahrn's amol, foahrn's amol
Mit der Straßenbahn hinaus!
Foahrn's amol –
Foahrn's amol!