ربي معاك

نبدل حياتي خطر منكم فديت
كي عطيت الثقة الضربة جاتني من ناسي
نتذكر قد ما عملوا معايا وعديت
تونس ما طالب منك أنا خلاصي
نخرج لبرا حياتي نعاود في جديد
كي نكمل لنّا آخرتها بش نباصي
أمي اللي تتعب كان تشوفني ورى حديد
وحدك إنت اللي تواسي

موزيكا نرتح بالي راب وموش بش يوفى
ما نصدق اللي حكى لي كلها تضرب لوغة
عرقت وجبت حلالي عرض لي في الدورة
ما غدرتش المالي أما خارج بضرورة

يبيع القرد ويضحك ع اللي شاريه
عريبة تربات تعيش وتعمل خايب
الوقت علمني اللي خلاني نخليه
مادام نعيش ما زلت نشوف غرايب
القلب اللي عندي اليوم المخ يمشيه
يزي ما رينا وجيعة مل الحبايب
معايا نجوم وضو القمرة في الليل
عديت ليالي نستنى في الغايب

ما تشوف وراك
إنت أسعى واللي مكتب يصير
قول يا ربي وربي معاك
يا ميمة رضاك
دنيا صعيبة وسترتنا دعاويك
الناس طغات كي عبوا الصاك
قلوب كساحت ومات الضمير
ماي عريبة منها أخطاك
أنسى اللي نساك
شوف حياتك وخمم في جديد

الماضي أنسى أخطاك قدم ما تغزر وراك
حاول تربح راحت بالك لا ما تدخل في عراك
اللي سماك غناك واللي قال نحبك خلاك
واللي حلف عمره ما ينسى أول واحد نساك
البارح يا ليلي أعوام اللي بينا جرات
كبرت وفارح باللي فات
معايا ربي عندي ميمتي اللي تدعي لي
سلامي للناس اللي تخلات
فهمنا معاني في وسط سكات
تهنى بابا ولدك راجل شاد ثنيتي
شاد ثنيتي واللي فات معديه
ما تنفع رجلة اللي خلاني نخليه
اللي عمل الخايب إن شاء الله ربي يهديه
آوي

نخمم في غدوة إش نقدم في حياتي
العين كبيرة وما عشناش بطميعة
وياما ناس في بالي بيها خواتي
عملنا الخير كفاونا كان بخديعة
اللي عمل الخايب غدوة معه تواتي
إدور الدنيا يحس نفس لوجيعة
مرضي والديّ مقصر كان في صلاتي
إن شاء الله ربي توبة قريبة ملا وراك

ما تشوف وراك
إنت أسعى واللي مكتب يصير
قول يا ربي وربي معاك
يا ميمة رضاك
دنيا صعيبة وسترتنا دعاويك
الناس طغات كي عبوا الصاك
قلوب كساحت ومات الضمير
ماي عريبة منها أخطاك
أنسى اللي نساك
شوف حياتك وخمم في جديد