تغريبة 2 [Live]
طعم البعد صبار
والغربة ليل بهتان
يا قلبي يا موجوع
إياك تكون قلقان
لو طالت المسافات
أنا والأمل إخوات
وثالتنا كان الليل
ده أنا ليّ فيها النيل
وليها فيّ الروح
ما اخترتش إني أروح
ما أنا جوعي كان كفران
ملعون أبوك يا طموح
آخرك تشوف لي كفيل
لكني مش قلقان
تذكرتي رايح جي
طعم البعاد صبار
والغربة ليل بهتان
يا قلبي يا موجوع
إياك تكون قلقان
أنا مش في بلدي عويل
لكني مش بتشاف
زهرة سنيني عجاف
مع إن ليّ عزيز
إفتوني في رؤياي
لمّوا الأماني إزاي
حطّوها ع الباسبور
أحلامي صبحت بور
ممنوع عليها الضي
لكني مش قلقان
تذكرتي رايح جي
البعد عنك خوف
وأنا ع الرجوع ملهوف
لكن هعود إزاي
ومكاني كله ضيوف
يا قلبي يا موجوع
يا أهه حاضنة دموع
حب البلد بيعيش
لما يموت الجوع
يا حضن بيساعني
واحتجت له وباعني
ساعة ما مدّ إيديه
شاور و ودّعني
لكني مش قلقان
تذكرتي رايح جي
تذكرتي رايح جي
تذكرتي رايح جي