شريط حياتي

في ناس بتجرح ناس وناس تشيل في عيونها ناس
وناس قلوبها من الأساس حجر ما يلين
مشيت في طريق طويل كان أي حلم قصادي صعب ومستحيل
كان نفسي حد يقول لي مرة السكة فين
وشريط حياتي بيعدي من قدام عينيّ
شفت النهاية من البداية باينة جاية
دي سنين كثير من العمر عدوا في سؤال معرفش رده
مين اللي جاني في الحكاية ومين ضحية

في ناس مكشوفين وراء الستاير ناس كثير مش متشافين
وعشان نشوف لازم نشوف من الناحيتين
غلطان ولا بريء كده أو كده مكنش في، في إيديّ شيء
وإزاي نلوم على حد مختارش الطريق

وشريط حياتي بيعدي من قدام عينيّ
شفت النهاية من البداية باينة جاية
دي سنين كثير من العمر عدوا في سؤال معرفش رده
مين اللي جاني في الحكاية ومين ضحية
وشريط حياتي بيعدي من قدام عينيّ
شفت النهاية من البداية باينة جاية
دي سنين كثير من العمر عدوا في سؤال معرفش رده
مين اللي جاني في الحكاية ومين ضحية