جنة تكفينا

مالهم ليه مش عايزنا إن إحنا نكون سوى
فاكرين قال إيه فاهمنا وهما ولا الهواء
عاملين فيها عايشين
يا عيني دول ناسيين معنى كلمة مبسوطين
ومحدش فيهم عاش اللي أنا وإنت عيشناه
ومحدش جرب معنى اثنين لبعض نجاة، يعني لبعض حياة
بعد سنين فيها مفيش سعادة قادرة تعيش

نهرب لبعيد، ده كلام الناس عمره ما بيفيد بيزيد
قالوا حبينا في أسوأ توقيت، ومن إمتى الحب كان له ميعاد
دي نار بتقيد، نور جوة القلب دخل من غير تخبيط
لقينا في بعدنا عن الناس جنة تكفينا إحنا وخلاص

وكمان الناس بتشوف اللي هي عايزاه
باصين من برة عيونهم كارهة ومش قابلة
بيسنوا لنا السكاكين حاسبنا خلاص مجانين بس إحنا مرتاحين
ليه دايما نكبت مشاعرنا ونقول دي ظروف
ليه دايما بنجيب آخرنا ونسكت ونشوف
قلبنا بيموت بطيء ونفسنا مش عارفة تعوم، وبتدخل في الغريق

نهرب لبعيد، ده كلام الناس عمره ما بيفيد بيزيد
قالوا حبينا في أسوأ توقيت ومن إمتى الحب كان له ميعاد
دي نار بتقيد، نور جوة القلب دخل من غير تخبيط
لقينا في بعدنا عن الناس جنة تكفينا إحنا وخلاص