على العارض [Original]
Fahad Al Mosaad
على العارض نشت غيمه.ورى غيمه وطاب الفال
ليالي عشق نجديه.. ثراها بالوله ممطور
تغنت نجد في برق الحيا.. والنور ضيّه مال
على وجهٍ خلقه الله من عز وشموخ ونور
نحبك حب مايوصف ولا يكتب ولا ينقال
شعورٍ لو بغينا انطول بعضه.. ماكفاه شعور
حلالك كل مافينا من اقصى القلب لاقصى البال
تفيّا في هدب عينٍ.. تشوفك ظلها والسور
وش نسميك؟! وش نضرب مثل؟! يامضرب الامثال
يافرحة من نسى الفرحه ياجبر الخاطر المكسور
لو نقول الجدي كتفك.. تملكه الفخر واختال
ولو نقول البحر كفك.. شهدناله شهادة زور
ياعزوتنا رعاك الله لنا.. و الله يديم الحال
عسى ماننحرم طيبة ملامح وجهك المسرور
وقف فيك الحكي لكن حديث قلوبنا همّال
يا اسمٍ توقف الدنيا اذا عنه الحديث يدور
اياعبدالعزيز ابن الفهد باقي حكي ماانقال
ومادام الغيم ماطالك ترى قصر الحكي معذور