رفوف الذكريات [Original]
Al Mansour
للغروب بوسط قلبي ذكريات
ما تناساها الخفوق .. ولا نساها
لي معاها قبل ما تغرب حياة
واغرقت شمس المحبه في مساها
يا عيون الشوق وين الأمنيات
يا عساها بداخل عيونك عساها
هل هي تذكرني أو ان الشوق مات؟
أو زمان الصمت بالقسوه كساها
أسأل الأيام عنها: كيف جات؟
وكيف راحت والزمن كيف انتساها
من يجمّعني بعد هذا الشتات؟
أو يواسيني .. ويهديني وساها
تهت في بحر الشعر .. والأغنيات
لا معي مينا .. ولا قلبي رساها
جيت أدوّر في رفوف الذكريات
ما لقيت الاّ من الذكرى صداها