Ds Lied vo de Bahnhöf

[Strophe 1]
Das isch ds Lied vo de Bahnhöf wo dr Zug
Geng scho abgfahren isch
Oder no nid isch cho
Und es stöh Lüt im Rägemantel dert und tue warte

[Strophe 2]
Und ds Gepäck hei si abgstellt und zwöi
Chind luegen am Outomat
Ob nid doch dert no meh
Usechöm als die Caramel wo si scho hei gässe

[Strophe 3]
Und dr Bahnhofvorstand telefoniert
D'Mütze hanget ar wand
Und im Wartsaal, isch gheizt
Sitzt e ma
Won e Stumpe roucht wo stinkt und list ds Amtsblatt

[Strophe 4]
Mängisch lütet e Gloggen und en ar-
Beiter mit schwarze Händ
Stellt e Weiche, me weis
Nid für was
Dänk für d'Güeterwäge wo vor em Schopf stöh

[Strophe 5]
Und dr Bahnhofvorstand leit d'Mützen a
S'fahrt e Schnällzug verby
Und es luftet no gäng
Waretdäm, dass dr Vorstand scho sy Huet wider abziet

[Outro]
Das isch ds Lied vo de Bahnhöf wo dr Zug
Geng scho abgfahren isch
Oder no nid isch cho…