Wo mir als Bueben emal
Wo mir als Bueben emal
Hei gschuttet uf're Matten
Isch dr Puur drhär cho
Mit em Stäcken i dr Hand
U het üs all Gotts Schand gseit
I ghöre ne no flueche
Mues eig'lech aus geng verhimuheilandtonneret sy
Mues eig'lech aus geng verhimuheilandtonneret sy
Dä satz isch mir no im Ohr
U mängisch, wen i gseh, wi
Dert wo Dörfer sy gsy
Und ds Ufer vom 'ne See
Uf ds mal jitz alls verbout isch
De fragen i mi sälber
Mues eig'lech aus geng verhimuheilandtonneret sy
Mues eig'lech aus geng verhimuheilandtonneret sy
U glych: es mues mängisch sy
Es mues halt mängisch sy
Dass eine chunnt u mit Gwalt
E Stacheldraht verschnydt
Oder e Muur i d'Luft sprängt
O denn git's tut wo brüele
Mues eig'lech aus geng verhimuheilandtonneret sy
Mues eig'lech aus geng verhimuheilandtonneret sy
Und jede Morge steisch uf
Und lisisch i dr Zytig
Win es chlepft überall
Wän's preicht, wär profitiert
U dänksch de glych: bis das alls
Mal äntlech einisch ufhört
Da mues no mängs zersch verhimuheilandtonneret sy
Da mues no mängs zersch verhimuheilandtonneret sy