Taht El Sama
Wael Helal
تحت السما والقمر
عايشين عباد الله
زي الطيور ع الشجر
متجمعين الله
نده عليا السفر
لفيت بلاد الله
شفتك حقيقة وقدر
طول عمري بتمناه
فتحت باب المدى
قال المدى عاشق
رجعت ويا الندا
حالف ما نا ما فارق
عمري ف هواكي ابتدى
سهم الحنين راشق
وقلبي لو كان حجر
إزاي يخبي هواه
حبيت بدأت الغنا
وانتي اللي ف حروفي
شوك السنين انتنى
زهر على كفوفي
مديت جناح المنى
وهربت من خوفي
وصحيت وقلبي افتكر
حلمي اللي عاش وياه