Lah Zie

[Verse 1]
Ech ha ke Job gha ond ombedengt en Lehr welle
Jetz han ech en Lehr ond wott ombedengt ad Uni goh
Mann ech glaube ech han alles scho mol gseh wenn ech alles ha de wott ech weder meh
Ond ech säge mer gönd use det a See
Wenn ech denn am See be dänk ech nome no as Meer
Mini Brudis säged "Brudi was esch los?"
Du hesch alles was mer wott doch scho längschtens bi der
Vergangeheit gets ned, Zuekonft gets ned
Alles was mer hed es esch do ond jetzt
Ech begrife das ned
Ech wott alles ond de emmer nochli meh

[Hook]
Loh Gedanke lo zieh we de wend
Onberüehrt wene Strand ide Nacht (Strand ide Nacht)
Me hend so vell vor mer hend so vell vor
Aber so wenig gmacht
Ond ez lo si loh zie
Chom scho lo si loh zie
Lo si eifach lo zieh
So vell vor aber so wenig gmacht

[Verse 2]
Yeah, yeah, ech renn im Glöck hendenoche
Ond genau us däm Grond werdi söchtig noch allem log
Mini Wält esch so gross we de Batze länged
Ond ech gone au ned witer as mi Akku länged
Mann ech mos wäg vo dem Ort
Mini Stadt esch scho lang wines Dorf
Alles do so chli, Idee no so gross
Alli eusi Träum, doch mer schloffid si tod
Denne send si wäg ond mer fended si nömm
Völlig verblöded de Grend voller Möll (volle met Möll)
Ech begriffe das ned
Ech wott alles ond denn emmer nochli meh

[Hook 2x]