مهموم

على قد الحب بيبقى اللوم
وأنا باقي عليكوا إنما مهموم
والغربة في حضنكوا طعمها خوف
ما هو إنتوا عيوني إنما مكتوف
إيه فايدة عين ما بقتش تشوف
كل اللي حييجي في بال إنسان ليكوا عملته
قلبي المحني بحمل الأشواق ثقلت شيلته
كل اللي حييجي في بال إنسان ليكوا عملته
قلبي المحني بحمل الأشواق ثقلت شيلته
بتحبوني ولا ده كيفكوا تتحدوني
اللي ما بيننا بقى بالنسبة لي ماهوش مفهوم

لو كان للصبر حبال حتذوب
وأنا عاشق جرح من المحبوب
كم مرة مشيت و واربت الباب
وعملت لحبكوا ألف حساب
أنا عاشق فعلا مش كذاب
كل اللي حييجي في بال إنسان ليكوا عملته
قلبي المحني بحمل الأشواق ثقلت شيلته
كل اللي حييجي في بال إنسان ليكوا عملته
قلبي المحني بحمل الأشواق ثقلت شيلته
بتحبوني ولا ده كيفكوا تتحدوني
اللي ما بيننا بقى بالنسبة لي ماهوش مفهوم