على قدنا
الحلو في الروح مش في الشكل واحنا حلوين من جوانا
والشبع في العين مش بالأكل واحنا عينينا مليانة
الغنا في النفس مش في الجيب ما ياما صرفنا وادينا
معانا أو معناش مش عيب العيب لما نمد إيدينا
على قدنا بس محدش قدنا
واللي يسأل عننا يسمع عننا كل خير
على قدنا بس محدش قدنا
مش هتقابل زينا ده اللي زينا مش كثر
مياكلش على إيدينا إحنا اللي عملنا وسوينا
كل اللي عايشها يعيش عيشته وبلاش ييجي يعيشها علينا
ماتشوفش وحش فينا علشان سالكين مع بعضينا
عندنا مبدأ إسلك تسلك وسلكنا لناس سالكين لينا
بتيجي بالشقا مش بالسهل واحنا كفوفنا شقيانة
وأخذ الحق محتاج عقل واحنا دماغنا شغالة
بتمشي بالحب ومش بالقفش وكل الدنيا حبانا
بنفوت في الحديد منخافش علشان نضاف من جوانا
على قدنا بس محدش قدنا
واللي يسأل عننا يسمع عننا كل خير
على قدنا بس محدش قدنا
مش هتقابل زينا ده اللي زينا مش كثر
مياكلش على إيدينا إحنا اللي عملنا وسوينا
كل اللي عايشها يعيش عيشته وبلاش ييجي يعيشها علينا
ماتشوفش وحش فينا علشان سالكين مع بعضينا
عندنا مبدأ إسلك تسلك وسلكنا لناس سالكين لينا