Dwa Wellam

تفێ لە زەوی ڕاستی کە باری سەر شانت سوککە
پێڵوی چاوەکانت داگرە تێپەڕە خێرا زووکە
من ئەبینم گەورە پیاوێ سەری پەنجەی لەسەرتاڵی گەنمە خشێنێ
لە جێماوی جێ پێکانی نەخشی گولشەنی
ئەنەخشێنێ
خاوەنێتێ
خاکەناز و نانێ
باخێک و سەیرانێ
دوو کورسی جێژوانێ
سەکۆیە جۆلانێ
مێزێ سێڕسکانێ خوانێ
کوانێ
تریفەی خۆرەکە جریوەی چۆلەکە
زریزەی زەردەپەڕ بڵێسەی چاویتەڕ
تاک تەنیا بە پێڕەوی
بەسەر شاگەشکەی شاخا شاڕەوی
لە دەریایە سەهۆڵبەندانە سەوڵت چەرخانە وەرچەرخانە پەل وەشانت
گەرچی بەدەوری شانت سەر سەرگەردانە
بە کۆڵەواری لە لێواری ژانێکی ناپەسەندەوە
بۆ یەکتری و مەرگە ڕوانین بە خەندەوە
پەتی
کەوتنی چاڵاو و
چەشتنی تاڵاو و
ڕەشترین شاڵاوت لە گەردن
ئێش گەڕێ لە دەروت
مێش پەڕێتە گەروت
بێشک مەحکومە بە مردن

دەرگای شادی ناکرێتەوە بەدەسێکی کورتەوە
هەموو شتمان سەمایەکی ساردە بەدەم ورتەوە
گەر مادام هەڵگێڕیتەوە
ژیان ئەخوێنیتەوە
لە وێرانکاری ڕۆتیناتا چۆنی بشەکیتەوە
نائومێدی بەرۆکی گرتوین بوینەتە دیلی سەیتەرەی ئەم سێبەرە
ئەی شادی پەرستەکان قەرار بوو کۆچی ئاو بمان خنکێنێ نەوەک پاشەڕۆی جگەرە
لە کابوسی خەوام ‌
دەوام لە برینی شەوام
کەوام لە ئاوای جەوام
ڕەوام لەئازاری زارم حەوام
بێهودەیە گەشتی گەشتن پاش گەشتن تێگەشتن
لەوەی نەوەی نەگەشتنی بەوەی بێ بۆن و چەشتنی
تۆش بیرەوەری کوێرەوەی ناقڕە گووش
ئەی ئایدزی ئاسودەکوژ
جێم هێشتی بۆم جێم ڕاکەوە
ئێوەش کە جانتام زنجیرا زنجیرم بەن بە خاکەوه
هێشتا لەژێر سێبەری و سەبوری سەبرین
ئێمە مۆسیقامان هەیە تا ڕاستی نەمرین
کاتێ وڕکەگری دڕکەگری نەک گوڵشەن و نوری دیە
کاتێ درکەگری گەشتوی بە هەرچی کۆتا وەڵام نیە
چون دوا وەڵام نیە