ست الدار
Abdel Samie Mohammad
ده صوت بكايا أنا ولا صوت نواح الناي
فارقت أغلى الناس راح مني عمري الجاي
زيدي الربابة عود واندب عليّ أنا
أنا بالجراح موعود كتفي يا ناس انحنى
يا بويا عليه ده زمن خذ مني فرح وطار
خذ مني أمي وراح ولع في قلبي نار
أمنت ليك يا زمن وأنا بحسبك غدار
أبكي يا ست الدار يا نبعنا الصافي
ببكي على فراقك وأبكي على زمني الظالم الجافي
يا ربابة زيدي وجع قلبي يا ناس اتخلع
يوم راحوا أحبابي جبل وفوقي وقع
قطر الحبايب مشى فات ليّ أحزاني
معرفش عمري خلص ولا لسه في ثاني
غرقانة في دموعك حزنانة ليه يا مّة
وطافية نورك ليه وبايتة على الظلمة
سكة ببانك ليه عايزك أنا يا مّة
سكة ببانك ليه عايزك أنا يا مّة