حبك ربح

إنت يا اللي حبك ربح
وبحياتي إنت صح
جاي تسألني بعد إش قد أحبك، إش قد أحبك
نجح حبنا إي نجح
والعالم بعيني وضح
جاي تسألني بعد إش قد أحبك، إش قد أحبك

إنت وحدك بالبشر تستاهل
مو بإيدي قلبي اللي يحبك قافل
وياك أعيش وهذا كلش كافي
لخاطر عيونك بكلشي قابل

راح أرسمك ع الجفن مثل الوشم
إنت بس وياك ما أحس بندم
يا اللي حبك من صدق عدا الخيال
كنت أحلم بيك يا أحلى حلم

يا اللي عليك اتعودت
يا اللي عليك اتعودت
بيك حيل اتعلقت
مالي بالدنيا بعد بس حبك إنت (حبك إنت) حبك إنت
صار للدنيا طعم
بيك يا أحلى إسم
كل كلام الغزل لأجلك حفظته (حفظته) إي حفظته

بيك أسولف كلش أني هوايه
حبنا بين الناس صار حكاية
ما أريد تغيب عني لحظة
فدوة أريدك كل دقيقة ويايا

احنا قصة حبنا مختلفة لأن
حضنك بالنسبة إلي مثل الوطن
للأبد ما نفترق نبقى سوى
واقف إنت قبالي وأشتاق وأحن