الأم المصرية [Original]
Mostafa Hassan
هيــه هــيه الأصلــيـة هــيه الأم المصريــــــــة
عمــلة نادرة مــا فيش زيها هيه احن من الحنية
لـــو هــنعد باوصافها هنقـــول ونـــــزل قوالــه
هـــــــيه دي اللي على كتافها يا ما تربى رجاله
تعرف في دقيقة تدبر تيجي بالشدة تشوفها قوية
واصيلـــــة وبنت أصول دايما عايزة الكل بخير
فـــي البيت زي البندول مهما يكون الحمل تقيل
دمها خفيــف النعمة زي السيف عندها شخصية
بـــتواجـــــه وبتستحمل وتضحي وناكره الزات
وذكية وتعــــرف تعـــــــمل من الفسيخ شربات
تستاهل فيها يتغــــــنى يجي ميتين مليون اغنية
في سنانها حاطه ولادها وراحتــهم هيه راحتها
ماسكة زمام بيتها بايدها مــــا تفرطت بعزوتها
وما بتكلش وما بتملش زي النحلة جوى خلـيه