على اسم مصر
على إسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
ونسهر على حبها بالفن والإحساس
نسهر ودمع الحماس يملا لنا ثاني الكاس
واحنا يا حلوة فدا واحنا يا مصر فدا
واحنا يا حلوة فدا والله يا مصر فدا بس أطلبي وقولي
على إسم مصر التاريخ يقدر، يقدر يقول ما شاء
مصر السما الفستقي وعصافير معدية
والقلة مملية ع الشباك مندية
مصر النسيم في الليالي وبياعين الفل
ومراية بهتانة ع القهوة أزورها وأطل
نسهر على حبها بالفن والإحساس
نسهر ودمع الحماس يملا لنا ثاني الكاس
واحنا يا مصر فدا واحنا يا حلوة فدا
واحنا يا مصر فدا واحنا يا حلوة فدا بس اطلبي وقولي
على إسم مصر التاريخ يقدر، يقدر يقول ما شاء