أوجه المعنى
Sari
أوجه المعنى على ما توجه
الله يسامحني على كل ما فات
عديت في الميقات خمسين حجة
مرت عليّ صعبة وعدت سهالات
خافيت لي في فسحة العمر سجة
ويا ما جرى لي بأول العمر سجات
خليت هراج القفى مستلجة
ما عاد فيهم شدة للمهمات
من شاف قلبه للعزيز متوجه
يموت من دونه ترى العز وقفات
الوقت ما كدر غديري ورجه
والعزم عزم اللي يشيل الثقيلات
الضعف مالي فيه والذل أمجه
والناس مثل البحر والصدق منجات
أحرص على اللي باب صدره يهجه
حرصي على المعنى وترتيب الأبيات
يقل قدر الشخص لا كثر هريجه
لي لله در اللي خذا الطيب بسكات
وعلم خفيف طار مع كل عجة
راسي المعالي وإختصار المسافات
من لا عسف خيلِ ولا شد سرجه
أقروا عليه الفاتحة والتحيات