سليل العز [Original]
Wed
هذا سليل العز و الجاه و المال
في كل جدينه له العز دوله
في كلها عم و ولد عم او خال
ربعه هل الطولات صوله وجوله
هذا هو اللي بضيقة الوقت حلال
و هذا هو اللي يفعل اللي يقوله
و هذا هو اللي لا طلبتوه بظلال
الشمس تغرب من ورا عز طوله
راعي الدروب الغانمه سم الانذال
سمح الحجاج و ميزته في قبوله
هو عز اخوه اللي بضيقه اذا قال :
فيصل ابن منصور يلقاه حوله
هذا هو اللي لا تعزويت خيال
والسيف طيبه و المبادي خيوله
هذا هو اللي يشرب المجد فنجال
خليفة الامجاد واطيب رسوله
الشارب اللي يطلع بكل رجال
ماهو دليل ان الشوارب رجوله
خطت شوارب مبسمه طيب الافعال
هذي الرجوله كان تبغى رجوله
هذا هو اللي لا غدى الوقت ميال
مامال مثل اللي تشكل فصوله
وهذا هو اللي جرني اليوم موال
فيصل ابن منصور واطيب فعوله