Skerp Tong

Ek sien hoe jy kyk na my
Nog 'n paar sinne om te ruil met jou vriend aan jou sy
Wonder wat jy sê van my?
Wonder of jy weet hoe seer ek kry?
Wonder of jy weet hoe jy my laat ly?

Jammer as ek kyk na jou
Sukkel om die trane terug te hou
Hoe moet ek dit ooit vergeet?
Hoe jou skerp tong reg deur my hart steek
Hoe jou kyk in my in, stukkend breek

Want die woorde wat jy sê
Spreek lewe of dood
En die woorde wat jy spreek
Kan of opbou of afbreek
Kan of heel maak of dood steek

Ek sien hoe jy sluip na my
Ek wonder wat jou lot hier na my sy
Laat dit jou dalk beter voel
Om my in my swakheid rond te sien spoel
Om my op my knieë te sien rond voel

Want die woorde wat jy sê
Spreek lewe of dood
En die woorde wat jy spreek
Kan of opbou of afbreek
Kan of heel maak of dood steek

Gaan kyk 'n bietjie na jou eie hart
Want as daar liefde was dan sou mens dit in jou dade sien
En praat met ander
Soos wat jy met jouself sou praat
Wat die hart van vol is
Sal die mond van praat

Want die woorde wat jy sê
Spreek lewe of dood
En die woorde wat jy spreek
Kan of opbou of afbreek
Kan of heel maak of dood steek