Oupoot en Piet
Dit was ‘n volmaan in die Bosveld
Op Piet Nel se plaas
En die bles hoenders en makoue
Het op die plaasdam geraas
Na sonsonder het Piet Nel
Soos altyd gaan kyk
Of daar ‘n jakkals of ‘n wildekat by die skaapkraal opduik
Maar dié aand het geskiedenis
Homself kom bepaal
Toe Piet Nel ‘n olifant
Uit die dryfsand moes haal
Sy 4 x 4 bakkie
Sy kabel en tou
Sal Piet Nel en Oupoot vir altyd onthou
Ken jy die storie van Oupoot en Piet?
Dis ‘n storie van vreugde en een van verdriet
Oupoot is ‘n olifant en Piet is sy vriend
Dis ‘n storie van ‘n vriendskap tussen Oupoot en Piet
Tien jaar later
Is Piet Nel oorsee
Met bemarking vir sy wildsplaas
En kopers vir sy veë
Op ‘n uitstappie na die dieretuin
Kan Piet Nel nie glo
‘n Afrika olifant kyk hom stip in die oë
En toe hy net nie meer kan nie
Gaan roep hy die baas
Please open the gate
This is Oupoot van die plaas
En hy stap stadig nader
Tree vir tree
En Oupoot maak reg
Om poot te gee
Ken jy die storie van Oupoot en Piet?
Dis ‘n storie van vreugde en een van verdriet
Oupoot is ‘n olifant en Piet is sy vriend
Dis ‘n storie van ‘n vriendskap tussen Oupoot en Piet
En hy dink weer aan daai aand
Die ganse op die dam
En hoe anders lyk Oupoot nou as dan
Hy onthou weer daai oomblik
Hy kon dit nie glo
Die dankbaarheid en die vreugde in Oupoot se oë
En so eindig die twee
Reg voor mekaar
Mens voel die spanning in die lig soos hulle vir mekaar staar
En Piet Nel steek sy hand uit om vir Oupoot te voer
En Oupoot trap vir Piet Nel binne in sy
Moenie die olifante voer nie Ou Piet
Is ‘n storie van vreugde en een van verdriet
Oupoot bly in Afrika en Piet is tot niet
Ja so loop die storie van Oupoot en Piet
Ken jy die storie van Oupoot en Piet?
Is ‘n storie van vreugde en een van verdriet
Oupoot bly in Afrika en Piet is tot niet
Ja so loop die storie van Oupoot en Piet