’Ntra viddi e vaddi (canto d’amore)

[Testo di "'Ntra viddi e vaddi"]

'Ntra viddi e vaddi e 'nta voscura funni
Unn'è l'amanti miu! di cca mi spriu
La vaju pi circari e 'un trovu dunni
Pi lu so' amuri lu munnu firriu

Mi votu cu lu mari e spiu all'unni
Mi dati nova di lu beni miu
E l'ecu di luntanu m'arrispunni
Ca schiava di li Turchi si nni jiu

M'addisiassi la spada d'Orlannu
Quantu girassi pi tuttu lu munnu
La me' Agatuzza nni mori chist'annu
Cu t'affirravi… ivi! mi cunfunnu

Fu so mammuzza cu cori tirannu
La mannau a mari a circari lu nunnu
Comu ncagliasti, 'un sintisti lu bannu
'Un cci jiti a mari, li Turchi cci sunnu

Pigliati l'armi curriti picciotti
Cci voli forza e curaggiu di tutti
Cu' misi 'ncruci e cu' 'mpindia li crocchi
Comu traseru 'sti nfamazzi Turchi