Vader
Ik loep dor d'n tuin, ik drink en kiek rond
‘t graas en d’n bloompot, ‘t hok van d'n hond
De schuttingdeur dicht, emmer leet op de kop
‘t mos op de moor, en doar hult ‘t op
En ik zij 'n muske, ‘t leet op de stoep
Heel rustig langoet in ‘n klein bitje poep
‘n moei bloet muske, ‘n dorzichtige huid
‘t veel langzaam nar onder, bijna zonder geluid
‘t leet op de rug mit zien kupke gedreid
Gevalle, verstoete of gewoen weggeweid
Of ‘ie docht: ‘ik kan zweve’, zo licht en zo jong
Heej het neet kunne wachte, heej keek en ‘ie sprong
En ik huur vogels, hoeg in de lucht
Ze dreije als 'n wolk, same op de vlucht
Niemand di wet wurrum dit muske heer leet
Wurrum sommige vleege en andere neet
En ik leg 't biestje onder de stroek
En ik denk aan ow, ow hand op d'n boek
En ik loep nar binne, geej merkt niks aan meej
Geej wet hoe ik bin, en ik loep vurbeej
Toen waas t zomer, nou herfst en kalt
En nou heb ik ow vast, ‘n paar monde alt
En nou lig ik heer van geluk oetgeteld
‘t is stil in d'n tuin, groete bear is geveld