Wandele
Ik loep heer dor ’t bos
Hond di leupt los
En daalijk goan weej rechtsaf
Neave t land
Soms dan is ‘t heer naat
In de holte van de paad
Dan loep ik dor ‘t graas
Heer neave de kant
Mar vandaag ‘n ander rundje
Want doar achter leupt ’n hundje
Twieje hundjes, dat heb ik gelierd
Dat giet altied verkierd
Loep ik doar of loep ik heerum
Deze weg giet door nar Serum
Of loep ik net as vurrige weak
Verder neave de beak
Martien kent heer de streek:
‘De vrouw die doar woent is zeek
En dat hoes doarneave
Det leet al joarelang leag
In d'n oerlog toen stong ik heer
Toen kwaam doar ‘n vleegtuug neer
En woar geej nou loept doar waas
Toen noch genne weg’
En vur Martien zien verhale
Hofde niks vur te betale
Heej giet verder, de hand an ’t steur
Geluk is neet deur
Loep ik doar of loep ik heerum
Deze weg giet door nar Serum
Of loep ik net as vurrige weak
Verder neave de beak
En ‘t blieft moei wear
Dat zeen weej gear
Dan goan weej ens zo hard
Dan zwaait ‘ie de ganse weg
Met ziene start
Ierst rent ‘ie meej keihard vurbeej
En dan wacht ‘ie meej wir op
Dan kiekt ie woar ik blief
En ‘ie schudt ziene kop
Daalijk thoes dan drink ik water
‘t is moandag, mar genne kater
Volgende weak is ‘t kermis in Horst
Ik heb nou gewoen dorst
Mar vandaag ‘n ander rundje
Want doar achter leupt ’n hundje
Twieje hundjes, dat heb ik gelierd
Dat giet altied verkierd
Loep ik doar of loep ik heerum
Deze weg giet door nar Serum
Of loep ik net as vurrige weak
Verder neave de beak