Vicente da Silva
ADRIANO GOMES FERREIRA ATCHUTCHI
Oh kamarada
Vicente da silva
Amigu de Nando
Na djumbera di nhu Ambrus
Vicente da silva
Ku bota ridia
Pa mindjoria vida
I ka sabura
Ku pui Vicente na piska
Si i piska pis
I piska vida
I piska futuru
Na es vida sim futuro
Ma ku si fe
Son na futuru
Kontan Vicente
Di si kudadi ku si kansera
Spindil di alkatra
Pa i nota pa pruntasku di Yonta
Yonta Bonita
Suma sareia de mar di bolama
Tantu bonitasku
Pa un alma anguniadu
Yonta serpente
Ma i so kudadi
I so kansera
Ku pui Vicente
Ka nota pa Yonta
Falna Vicente kuma vida i sin
Pa i tira kasabi di flema
Pa i vivi mundu
Pa i n tindi mundu
Pa i notal na si tadju
Tris dia, i bonitasku
Yonta serpente
Vicente djubil
I ka nota
I palpa i ka sinti
Serpente Yonta
Na muri de flema