بنت لذينا

أول ما أفتح عيني زي زمان بنادي
على حبيبي ونور عينيّ وذكرياتي
كانت زمان عيني تفتح بتلاقيه
دلوقتي بنده له بقلبي مش لاقيه

واحشني صوته لمسته سكوته وكلامه
وتفاصيل كثيرة أوي حلوة منه في أيامي
ده هو اللي كان في حياتي أقرب حد ليّ
كان الآمان دايما لقلبي ولعينيّ

الدنيا دي بنت لذينا عمالة بتخبط فينا
وفي إيه هنعملوا بإيدينا طب نعمل إيه
إنسان حلمت ببكرة معاه ورتبت نفسك كده وياه
وفي لحظة بقى مش من حقك تسأل عليه
الدنيا دي بنت لذينا عمالة بتخبط فينا
وفي إيه هنعملوا بإيدينا طب نعمل إيه
إنسان حلمت ببكرة معاه ورتبت نفسك كده وياه
وفي لحظة بقى مش من حقك تسأل عليه

ماشية الحياة ومغمضين دايما عينينا
حبة سنين ويلا عدى العمر بينا
واللي نعيش له عمرنا ونكون حياته
بندعي بعد سنين نكون من ذكرياته

الدنيا دي بنت لذينا عمالة بتخبط فينا
وفي إيه هنعملوا بإيدينا طب نعمل إيه
إنسان حلمت ببكرة معاه ورتبت نفسك كده وياه
وفي لحظة بقى مش من حقك تسأل عليه