Kamell vum letzte Johr

Jo ich hann se jelötsch die Kamell vum letzte Johr
Janz deef us mingem Anorak
Se wor pink-pastell-himbeer un Papier wor noch dran
Un Jrümmel vun schwatzem Tabak

En jiffjröne Witwe un nöch löstich dobei
Se saat: Jeneesse will jeliert sin
Se hatt Klamotte us 1000 Filme
Die all noch nit jedrieht sin

Jo ich hann se jelötsch die Kamell vum letzte Johr
Janz deef us minger Ledderjack
Se däät nit schmecke ävver sööss wor se doch
Ich nemme ahn us purem Frack

Ne Püngel Ruse vun nem Narvejeseech
Für dreienhalv Äppel un e Ei
Se wor mieh Veedelszochstrüüssje
Un och noch löstich dobei

E Sofa su hatt wie Keeschejelee
Dat Ehebett wor praktisch tabu
Ne wiesse Puddelfell-Flokati
Et wor ejal et jing och esu

Jo ich hann se jelötsch die Kamell vum letzte Johr
Se hätt jeklääv wie Beton
Un irjendwann em Schloof hann ich se usjespäut
Jetz klääv se op mingem Chaiselong
Jetz klääv se op mingem Chaiselong ...